मंडणगड : मंडणगड नगरपंचायतीला अग्निशमन सेवा संचालनालय, मुंबई यांच्याकडून फायर बाईक हे अग्निशमन यंत्रणेने सज्ज असलेले दुचाकी वाहन प्राप्त झाले आहे.
आपत्कालीन स्थितीत छोट्या गल्ली बोळातून आणि वाहातूककोंडीतून अडचणीच्या ठिकाणी वेळेत पोहोचण्यासाठी या वाहनाचा उपयोग होणार आहे. या फायर बाईक दुचाकीला ३५ लीटर पाण्याची टाकी असून, १०० फूट होस पाईप आहे.
तसेच प्रथमोपचार साहित्य, लॉक तोडण्याची कटावणी, छोटी कुऱ्हाड इत्याही साहित्य आहे. मंडणगड शहरात कोठेही आग लागल्यास नागरिकांनी नगरपंचायतीकडे संपर्क करण्याचे आवाहन नगरपंचायत तर्फे करण्यात आले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
03:13 PM 02/Nov/2024
