चिपळूण येथील मांडकी-पालवणमध्ये निवासी प्रशिक्षणाचे आयोजन; २८ जुलैपर्यंत अर्ज करण्याचे आवाहन
Ratnagiri DCC Bank Training: रत्नागिरी :
रत्नागिरी जिल्हा मध्यवर्ती सहकारी बँकेमार्फत सहकार क्षेत्रातील नामांकित ‘डॉ. विठ्ठलराव विखे-पाटील प्रबंध संस्थान, पुणे’ या प्रशिक्षण संस्थेद्वारे विशेष निवासी प्रशिक्षणाचे आयोजन करण्यात आले आहे. हे प्रशिक्षण चिपळूण तालुक्यातील मांडकी-पालवण येथील ‘कृषिभूषण डॉ. तानाजीराव चोरगे शिक्षण व संशोधन संस्था’ येथे ३१ जुलै ते २ ऑगस्ट या कालावधीत होणार आहे.
प्रशिक्षणाचे स्वरूप व उद्देश
हे प्रशिक्षण सहकार क्षेत्रात कार्यरत असलेल्या आणि काम करू इच्छिणाऱ्या कार्यकर्त्यांसाठी अत्यंत उपयुक्त ठरणार आहे. सहकारातील आधुनिक तंत्रज्ञान, बँक व्यवसाय, विकास आणि इतर सर्व सहकारी संस्थांच्या व्यवसायाशी संबंधित महत्त्वाची व अद्ययावत माहिती देण्याच्या उद्देशाने या प्रशिक्षणाचे आयोजन करण्यात आले आहे.
२८ जुलैपर्यंत अर्ज सादर करण्याचे आवाहन
प्रशिक्षणात सहभागी होण्यास इच्छुक असलेल्या सहकारी संस्थांचे पदाधिकारी, सदस्य आणि कार्यकर्त्यांनी प्रवेश अर्ज व अधिक माहितीसाठी आपापल्या तालुक्यातील बँकेचे क्षेत्रीय कार्यालय अथवा रत्नागिरी येथील प्रधान कार्यालयातील प्रशासन विभागाशी संपर्क साधावा. इच्छुकांनी आपले अर्ज २८ जुलै रोजी सायंकाळी ५ वाजेपर्यंत सादर करायचे आहेत. प्रशिक्षण यशस्वीरीत्या पूर्ण करणाऱ्या सर्व प्रशिक्षणार्थींना प्रशिक्षण संस्थेमार्फत अधिकृत प्रमाणपत्र दिले जाईल.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
16:56 23-07-2026
