तालुकास्तरावरील उत्तराने समाधान न झालेल्या तक्रारदारांना जिल्हास्तरीय लोकशाही दिनात अर्ज सादर करता येणार
रत्नागिरी जिल्ह्याचा सप्टेंबर महिन्यातील जिल्हास्तरीय लोकशाही दिन येत्या ७ सप्टेंबर रोजी दुपारी १ ते २ या वेळेत जिल्हाधिकारी कार्यालयातील सभागृहात आयोजित करण्यात आला आहे. नागरिकांचे प्रशासकीय प्रश्न आणि तक्रारींचे निवारण करण्यासाठी जिल्हास्तरावर दर महिन्याच्या पहिल्या सोमवारी या लोकशाही दिनाचे आयोजन केले जाते.
लोकशाही दिनाचा लाभ घेण्यासाठी नागरिकांना काही महत्त्वाच्या अटी व नियमांचे पालन करणे बंधनकारक आहे. यामध्ये तक्रारदार नागरिकाने प्रथम तालुका लोकशाही दिनात अर्ज सादर करणे आवश्यक आहे. तालुका लोकशाही दिनामध्ये मिळालेल्या उत्तराने नागरिकांचे समाधान झाले नसल्यास, ते नागरिक जिल्हास्तरीय लोकशाही दिनाकडे आपला अर्ज सादर करू शकतात.
जिल्हास्तरीय लोकशाही दिनासाठी अर्जदारांनी आपला अर्ज विहित नमुन्यात १५ दिवस आधी दोन (२) प्रतींमध्ये प्रशासनाकडे पाठवणे आवश्यक राहील. नागरिकांनी या सुविधेचा योग्य नियमांनुसार लाभ घ्यावा, असे आवाहन प्रशासनाकडून करण्यात आले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
17:33 26-08-2026
