मुंबईत कर्मचाऱ्यांचे शुक्रवारी मोठे निदर्शन; सकारात्मक निर्णय न झाल्यास २८, २९ व ३० सप्टेंबर रोजी संपाचा इशारा
पाच दिवसांचा बँकिंग आठवडा लागू करणे, द्विपक्षीय करारांची तातडीने अंमलबजावणी करणे आणि प्रोत्साहन योजनेतील (Incentive Scheme) भेदभाव पूर्णपणे दूर करणे, या मुख्य मागण्यांसाठी बँक कर्मचारी व अधिकारी संघटनांनी शुक्रवारी जोरदार निदर्शने केली. या संपामुळे मुंबईसह देशभरात कोट्यवधी रुपयांचे बँकिंग व्यवहार ठप्प झाले.
मागण्या मान्य न झाल्यास ३ दिवसांचा संप
बँक संघटनांनी दिलेल्या माहितीनुसार, कर्मचाऱ्यांच्या रास्त मागण्यांबाबत सरकारकडून अद्याप सकारात्मक निर्णय घेण्यात आलेला नाही. जर प्रशासनाने यावर लवकर तोडगा काढला नाही, तर दि. २८, २९ आणि ३० सप्टेंबर रोजी सलग तीन दिवस संप पुकारण्याचा गंभीर इशारा संघटनांनी दिला आहे.
ग्राहकांना दिलासा: एटीएम सेवेवर परिणाम नाही
बँक शाखांमधील कामकाज प्रभावित झाले असले, तरी सर्व एटीएम (ATM) केंद्रांमध्ये पुरेशी कॅश उपलब्ध ठेवण्यात आल्याचे स्पष्ट करण्यात आले आहे. त्यामुळे सर्वसामान्यांना रोख रक्कमेसाठी अडचण येणार नाही आणि ग्राहकांची गैरसोय टळेल.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:46 12-09-2026
