जालगाव : पुणे येथून दापोली येथे फिरण्यासाठी नातेवाईकांसोबत आलेल्या सचिन जयसिंग काटे (५१) यांचा हृदयविकाराने मृत्यू झाल्याची घटना २० फेब्रुवारी रोजी दुपारी १:३० वाजण्याच्या सुमारास घडली.
या बाबत दापोली पोलीस ठाण्यातून मिळालेल्या माहितीनुसार खबर देणार विशाल काटे यांचे चुलते सचिन जयसिंग काटे (५१, रा. काटे वस्ती, पिंपळे सौदागर, तालुका हवेली, जि. पुणे) हेव अन्य त्यांचे पाच नातेवाईक दापोली तालुक्यातील मुरुड येथे १९ फेब्रुवारी २०२५ रोजी फिरण्यासाठी आले होते. दुसऱ्या दिवशी २० फेब्रुवारी २०२५ रोजी सकाळी ११.३० च्या सुमारास सचिन काटे यांना श्वास घेण्यासाठी त्रास होत असल्याने त्यांना दापोली येथील उपजिल्हा रुग्णालय येथे उपचारासाठी दाखल करण्यात आले. मात्र, उपचारादरम्यान दुपारी १.३० च्या सुमारास त्यांचा मृत्यू झाल्याचे वैद्यकीय अधिकाऱ्यांनी सांगितले. या बाबत दापोली पोलिस ठाण्यात आकस्मिक मृत्यूची नोंद करण्यात आली आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:30 AM 22/Feb/2025
