सिंधुदुर्ग : करूळ घाटात दरड कोसळली
वैभववाडी : रुंदीकरण व काँक्रीटीकरणासाठी बंद असलेल्या करूळ घाटात गुरुवारी (दि. १८) सायंकाळी अक्षरशः डोंगरच रस्त्यावर आला आहे. त्यामुळे जवळपास १०० मीटरचा रस्ता व्यापला गेला असून, नव्याने बांधलेल्या संरक्षक भिंतीचा कठडाही तुटला आहे.
गुरुवारी सायंकाळी तालुक्यात अति मुसळधार पाऊस सुरू होता. त्याच दरम्यान सात वाजण्याच्या सुमारास डोंगराचा निम्मा भाग रस्त्यावर कोसळला. मोठेमोठे दगड, झाडे आणि मातीच्या ढिगाऱ्याने जवळपास १०० मीटर रस्ता व्यापला आहे. मोठे दगड संरक्षक भिंतीला आदळल्यामुळे नव्याने बांधलेली काँक्रीटची भिंत तुटली आहे. ठेकेदार कंपनीकडून तो ढिगारा हटविण्याचे काम सुरू आहे. घाट रस्त्यात सतत दरडी कोसळत असल्यामुळे येणाऱ्या गणपती उत्सवापूर्वी या घाट मार्गाने वाहतूक सुरू करणे धोकादायक ठरणार आहे.
करूळ घाटात दरड कोसळली असून, आतापर्यंतची ही सर्वांत मोठी दरड आहे. या दरडीने १०० मीटरपर्यंतचा रस्ता व्यापला आहे. दरड हटविण्याचे काम सध्या युद्ध पातळीवर सुरू आहे. याबाबतची माहिती वरिष्ठ कार्यालयाला देण्यात आलेली आहे. -अतुल शिवनीवार, उपअभियंता, राष्ट्रीय महामार्ग प्रधिकरण
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:52 20-07-2024
What's Your Reaction?