चिपळूण:
चिपळूण तालुक्यातील गुढे मोरेवाडी येथे झालेल्या एसटी बस अपघाताप्रकर्ण एक मोठी अपडेट समोर आली आहे. चिपळूण ते कळंबट जाणारी एसटी बस चालकाने बेदरकारपणे आणि अतिवेगात चालवून रस्त्याबाहेर नेत पलटी केल्यामुळे हा अपघात घडल्याचे निष्पन्न झाले आहे. या प्रकरणी निष्काळजीपणा केल्याचा ठपका ठेवत एसटी बस चालकाविरुद्ध चिपळूण पोलीस ठाण्यात गुन्हा दाखल करण्यात आला आहे.
तीव्र उतरावावर सुटले चालकाचे नियंत्रण
पोलिसांकडून मिळालेल्या अधिकृत माहितीनुसार, हा अपघात २८ मे रोजी सायंकाळी साडेसात वाजण्याच्या सुमारास गुढे मोरेवाडी येथील विठ्ठल मंदिरासमोरील उतरावावर घडला. चिपळूण ते कळंबट जाणारी एसटी बस (क्रमांक: एमएच-२० बीएल-३५९३) गुढे मोरेवाडी येथील तीव्र उतरावावर आली असता, चालकाचे गाडीवरील नियंत्रण सुटले. नियंत्रण सुटल्याने ही बस थेट रस्त्याबाहेर जाऊन पलटी झाली. या भीषण अपघातात एसटी बसचे मोठ्या प्रमाणावर आर्थिक नुकसान झाले असून चालक स्वतः जखमी झाला आहे.
एसटी डेपोतील चालकावर गुन्हा
या अपघातप्रकरणी पोलिसांनी एसटी बस चालक दिलीप मल्हारी नरगुंडे (वय ४५, बॅच नं. ४२५०१, रा. एसटी डेपो, चिपळूण) यांच्यावर गुन्हा दाखल केला आहे. चालकाने घाटाच्या व उतरावाच्या रस्त्यावर गाडी चालवताना योग्य ती खबरदारी न घेता बस बेदरकारपणे चालवल्याचा आरोप तक्रारीत करण्यात आला आहे.
१ जून रोजी पोलिसांत तक्रार दाखल
या अपघातानंतर चिपळूण पोलीस ठाण्यात रीतसर फिर्याद नोंदवण्यात आली आहे. अपघातप्रकरणी तक्रारदार संजय शंकर यादव (वय ५०, रा. शिरगाव मार्केट, चिपळूण) यांनी पोलिसांत दिलेल्या फिर्यादीवरून १ जून रोजी चालक दिलीप नरगुंडे यांच्याविरुद्ध विविध कलमान्वये गुन्हा दाखल करण्यात आला आहे. या प्रकरणाचा पुढील कायदेशीर तपास चिपळूण पोलीस करत आहेत.
बातमीचे ठळक मुद्दे (Quick Highlights):
- अपघाताचे ठिकाण: चिपळूण तालुक्यातील गुढे मोरेवाडी येथील विठ्ठल मंदिरासमोरील तीव्र उतार.
- अपघाताची वेळ व तारीख: २८ मे रोजी सायंकाळी ७:३० वाजता.
- एसटी बस: चिपळूण ते कळंबट मार्ग (MH-20-BL-3593).
- गुन्हा दाखल झालेले चालक: दिलीप मल्हारी नरगुंडे (वय ४५, चिपळूण डेपो).
- तक्रारदार: संजय शंकर यादव (वय ५०, शिरगाव मार्केट, चिपळूण).
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
16:17 03-06-2026
