‘महाराष्ट्राची क्रश’ हृता दुर्गुळे आता हिंदी वेब सीरिजमध्ये झळकणार
![‘महाराष्ट्राची क्रश’ हृता दुर्गुळे आता हिंदी वेब सीरिजमध्ये झळकणार](https://ratnagirikhabardar.com/uploads/images/202406/image_870x_66700e4e3d733.jpg)
मराठी छोट्या पडद्यावर आपल्या अभिनयाची आणि सौंदर्याची छाप सोडणारी आणि महाराष्ट्राची क्रश ओळखली जाणारी अभिनेत्री हृता दुर्गुळे (Hruta Durgule) आता हिंदीत पदार्पण करणार आहे. हृता ही हिंदी वेब सीरिजमध्ये झळकणार आहे. ओटीटीवर रिलीज होणाऱ्या कमांडर करण सक्सेना या वेब सीरिजमध्ये ती झळकणार आहे. तिने या वेब सीरिजचा टीझर शेअर केला आहे.
‘फुलपाखरू’ मालिकेमुळे हृता दुर्गुळे ही घराघरात पोहचली. तर, ‘मन उडू उडू झालं’ मालिकेतील तिची भूमिका चांगलीच गाजली. 'अनन्या', 'टाईमपास 3', 'कन्नी', 'सर्किट' या चित्रपटातून ती झळकली. मराठी छोटा पडदा आणि वेब सीरिजमध्ये कमाल दाखवल्यानंतर हृता आता हिंदी वेब सीरिजमध्ये झळकणार आहे. हृता आता 'कमांडर करण सक्सेना' या वेबसीरिज मधून ओटीटी विश्वात आणि हिंदी सिनेइंडस्ट्रीमध्ये झळकणार आहे.
हृता दुर्गुळे 'कमांडर करण सक्सेना' या वेबसीरिजचा टीझर शेअर करताना तिने कमांडर करण सक्सेना फॉर टीम इंडिया अशी कॅप्शन दिली आहे. गुरमीत चौधरी हा या वेब सीरिजमध्ये मुख्य भूमिकेत दिसणार आहे. 8 जुलैपासून ही वेब सीरिज 'डिस्ने हॉटस्टार' या ओटीटी प्लॅटफॉर्मवर रिलीज होणार आहे.
हृता कोणत्या भूमिकेत झळकणार?
हृताने हा टीझर शेअर करताना आपल्या भूमिकेबाबत कोणतेही भाष्य केले नाही. मात्र, तिने शेअर केलेल्या टीझरवर तिचा पती दिग्दर्शक प्रतीक शहाची कमेंट चर्चेत आहे. प्रतीकने पिक्चर अभी बाकी है असे म्हणत CZ Heroine in khaaki hai असे म्हटले.
हृता या वेब सीरिजमध्ये सुरक्षा दलाच्या अधिकाऱ्याच्या डॅशिंग भूमिकेत दिसणार का, याची उत्सुकता लागली आहे.
हृताने 'दुर्वा' या मालिकेतून मराठी छोट्या पडद्यावर पदार्पण केले. ही मालिका चांगलीच हिट ठरली. त्यानंतर आलेल्या 'फुलपाखरू' या मालिकेने ती घराघरात पोहचली. यशोमन आपटेसोबत ती या मालिकेत झळकली होती. त्याशिवाय तिने मराठी चित्रपटातही भूमिका साकारल्या आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:21 17-06-2024
What's Your Reaction?
![like](https://ratnagirikhabardar.com/assets/img/reactions/like.png)
![dislike](https://ratnagirikhabardar.com/assets/img/reactions/dislike.png)
![love](https://ratnagirikhabardar.com/assets/img/reactions/love.png)
![funny](https://ratnagirikhabardar.com/assets/img/reactions/funny.png)
![angry](https://ratnagirikhabardar.com/assets/img/reactions/angry.png)
![sad](https://ratnagirikhabardar.com/assets/img/reactions/sad.png)
![wow](https://ratnagirikhabardar.com/assets/img/reactions/wow.png)