Kolhapur Flood: महापुराचे पाणी शहरात शिरले; कोल्हापुरातील नागरिकांत धास्ती
कोल्हापूर : कोल्हापूर शहर परिसरात पावसाचा जोर कमी अधिक असला, तरी महापुराची परिस्थिती मात्र गंभीर बनत चालली आहे. पंचगंगा नदीची पातळी जशी ४५ फुटांवर गेली, तसे पूरक्षेत्रात राहणाऱ्या नागरिकांचे धाबे दणाणले आहेत.
शाहू छत्रपती, सतेज पाटील यांच्याकडून पाहणी
शुक्रवारी खासदार शाहू छत्रपती, आमदार सतेज पाटील, राजेश पी. पाटील, शिवसेना संपर्कप्रमुख विजय देवणे यांनी कोल्हापूर शहर, तसेच आंबेवाडी परिसरात भेट देऊन महापुराची पाहणी केली. पूरग्रस्तांशी चर्चा केली.
पालकमंत्र्यांकडून आढावा
शुक्रवारी सकाळी कोल्हापुरात पोहचलेल्या पालकमंत्री हसन मुश्रीफ यांनी जिल्ह्यातील पूरपरिस्थितीचा आढावा घेतला, तसेच त्यांनी चित्रदुर्ग मठातील निवारा केंद्राला भेट देऊन पूरग्रस्तांशी चर्चा केली.
सामानाची आवरा आवर सुरूच
महापुराची परिस्थिती अधिक गंभीर होईल, तसे पूरक्षेत्रातील नागरिकांनी सामानाची बांधाबांध करून ठेवण्यास सुरुवात केली. सकाळपासून नागरिकांची ही लगबग सुरू होती. काहींनी आपले सामान वरील मजल्यावर नेऊन ठेवले आहे.
निवारा केंद्रातील नागरिकांची संख्या
चित्रदुर्ग मठ - ११३
मुस्लीम बोर्डिंग - २
ग. गो. जाधव - ५०.
तात्यासाहेब मोहिते विद्यालय शाहूपुरी - २३.
संत गोरा कुंभार वसाहत बापट कॅम्प - ५० नागरिक.
कोल्हापूर शहरातील पाणी आलेले ठिकाण
१. लक्षतीर्थ वसाहत आयडियल कॉलनी.
२. गायकवाड वाडा पंचगंगा तालीम रोड बंद.
३. सुतार वाडा, सीता कॉलनी सीपीआर चौक.
४. खानविलकर पेट्रोल पंपाची बॅक साइड विश्वकर्मा अपार्टमेंटच्या पिछाडीस, विंग्स हॉस्पिटल समोर.
५. पोलो ग्राउंड रमणमळा पॅलेस ऑर्चिड अपार्टमेंट परिसर पाण्यामध्ये, माळी मळा.
६. जावडेकर पिछाडीस.
७. रेणुका मंदिरच्या पिछाडी ग्रहयोग अपार्टमेंटच्या बॅक साइडला.
८. उलपे मळा, शिये नाका रस्ता बंद.
९. मलयगिरी मुक्त सैनिक वसाहत, सफायर पार्क कदमवाडी, बापट कॅम्प स्मशानभूमी, जाधव वाडी ते कदमवाडी रस्ता पाण्यामध्ये बंद.
१०. वीट भट्टी कामगार वस्ती, तावडे हॉटेल परिसर.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
16:23 27-07-2024
What's Your Reaction?