पॅरिसमध्ये ऑलिम्पिक उद्घाटन सोहळ्यापूर्वी फ्रान्सच्या हायस्पीड रेल्वे मार्गावर जाळपोळ आणि तोडफोड; आठ लाख प्रवासी प्रभावित
![पॅरिसमध्ये ऑलिम्पिक उद्घाटन सोहळ्यापूर्वी फ्रान्सच्या हायस्पीड रेल्वे मार्गावर जाळपोळ आणि तोडफोड; आठ लाख प्रवासी प्रभावित](https://ratnagirikhabardar.com/uploads/images/202407/image_870x_66a37490adf61.jpg)
फ्रान्समधील ऑलिम्पिक स्पर्धेच्या (Paris Olympics 2024) उद्घाटन समारंभाच्या अवघ्या 10 तासांपूर्वीच आधी पॅरिसमधील रेल्वे नेटवर्कवर (France Paris Train Network Attack) शुक्रवारी हल्ला झाला.
SNCF ने आपल्या शेकडो कर्मचाऱ्यांना ट्रेन सिस्टम दुरुस्त करण्यासाठी कामावर लावले आहे. या हल्ल्याच्या पार्श्वभूमीवर ब्रिटनने आपल्या नागरिकांसाठी ट्रॅव्हल ॲडव्हायजरी जारी केली आहे. फ्रान्सच्या रेल्वे मार्गांचा वापर न करण्यास सांगितले आहे. रेल्वे रुळांवर हल्ला कोणी केला आणि का केला याची माहिती समोर आलेली नाही.
युरोस्टारने आपल्या सर्व गाड्या वळवल्या किंवा रद्द केल्या
युरोस्टार रेल्वे कंपनीने सांगितले की त्यांनी अनेक गाड्या रद्द केल्या आहेत. या हल्ल्यामुळे लंडन ते पॅरिसपर्यंत जाणाऱ्या रेल्वे मार्गांना सर्वाधिक फटका बसला आहे. हल्ल्याच्या पार्श्वभूमीवर कंपनीने आपल्या सर्व गाड्या वळवल्या आहेत. फ्रान्सचे वाहतूक मंत्री पॅट्रिस व्हर्जराइट यांनी सोशल मीडियावर एका पोस्टद्वारे हल्ल्याचा निषेध केला आहे. एसएनसीएफच्या सतत संपर्कात असल्याचे त्यांनी सांगितले.
3 हायस्पीड ट्रेन लाईन्सवर हल्ला
फ्रान्सच्या नॅशनल रेल्वे कंपनीने सांगितले की, देशात एकूण 4 प्रमुख हाय-स्पीड ट्रेन लाइन आहेत, ज्या संपूर्ण देशाला पॅरिसशी जोडतात. त्यापैकी 3 हल्ले झाले, तर 1 रेल्वे मार्गावरील हल्ला हाणून पाडण्यात आला. ज्या लाईन्सवर हल्ला झाला त्यात अटलांटिक, नॉर्दर्न आणि ईस्टर्न लाईन्सचा समावेश होता. पॅरिसपासून 160 किमी अंतरावर असलेल्या फ्रान्सच्या अरास शहरात हा हल्ला झाला. यानंतर, कोर्टलेन शहरातील टूर्स आणि ले मॅन्स लाइनवर दुसरा हल्ला झाला. हे शहर पॅरिसपासून 144 किमी अंतरावर आहे. एसएनसीएफ प्रमुख म्हणाले की, रात्री आमचे रेल्वे नेटवर्क आणि वाहतूक बंद करण्याचा प्रयत्न करण्यात आला. पॅरिसच्या पश्चिम, उत्तर आणि पूर्वेला चालणाऱ्या TGV लाईन्सवर तीन आगी लागल्या आहेत. दक्षिणेकडे ल्योन आणि भूमध्य समुद्राकडे जाणाऱ्या रेल्वे मार्गावर जाळपोळ करण्याचा प्रयत्न हाणून पाडण्यात आला.
फ्रान्समध्ये आजपासून ऑलिम्पिक सुरू होत आहे
फ्रान्सची राजधानी पॅरिसमध्ये आजपासून ऑलिम्पिक स्पर्धा सुरू होत आहेत. पॅरिस ऑलिम्पिक 26 जुलै ते 11 ऑगस्ट दरम्यान होणार आहे. आज होणाऱ्या उद्घाटन सोहळ्याला सुमारे 3 लाख प्रेक्षक आणि 10 हजार 500 खेळाडू उपस्थित राहणार आहेत. उद्घाटन सोहळा सीन नदीवर खुल्या हवेत होणार आहे. त्याच्या सुरक्षेसाठी 45 हजार सैनिक तैनात करण्यात येणार आहेत. त्याचबरोबर संपूर्ण स्पर्धेच्या सुरक्षेसाठी पॅरिसमध्ये 35 हजार सैनिक तैनात करण्यात आले आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:27 26-07-2024
What's Your Reaction?
![like](https://ratnagirikhabardar.com/assets/img/reactions/like.png)
![dislike](https://ratnagirikhabardar.com/assets/img/reactions/dislike.png)
![love](https://ratnagirikhabardar.com/assets/img/reactions/love.png)
![funny](https://ratnagirikhabardar.com/assets/img/reactions/funny.png)
![angry](https://ratnagirikhabardar.com/assets/img/reactions/angry.png)
![sad](https://ratnagirikhabardar.com/assets/img/reactions/sad.png)
![wow](https://ratnagirikhabardar.com/assets/img/reactions/wow.png)